Islanan ABC ta pasa den un proseso di divishon polítiko. Aruba, durante e proseso pa sali for di Antias, ta hasi su ortografia etimológiko un símbolo di resistensia den Antias di 6. ‘Papiamento’ ta bira e motivashon pa rubianunan identifiká nan mes polítikamente ku nan ortografia.
Charla: “Ortografia di Papiamento: Causa y Consequencia” presenta pa Ramon Todd Dandaré na Biblioteca Nacional Aruba na Oranjestad, Aruba. https://www.youtube.com/live/mGaQo_SPu0M?si=_sVhweWApfLnart5
Nan lucha polítiko ta kulminá ku Státùs Aparte di Aruba na 1986 i fihamentu di un ortografia etimólogiko diferente for di e ‘Papiamentu’ di Willemstad, e kapital antiano, ku tabata boga pa un ortografia fonológiko. Gobièrnu Sentral ta disidí na 1976 pa laga e teritorionan insular disidí riba un ortografia provisorio pa kada isla.
Teritorio Insular di Kòrsou ta adaptá e ortografia di Römer i fiha Ortografia Römer-Maduro-Jonis na 1976. ..\Ortografia di Papiamentu_ Teritorio insular.docx
Teritorio Insular di Boneiru ta hasi mesun kos na 1986: https://lokaleregelgeving.overheid.nl/823
E historia komun di islanan ABC a laga atras un konsenshi sikológiko, sosial i polítiko ku tin Papiamentu definitivamente komo liña kòrá den dje. Nos sintimentunan di inklushon i konekshon ta mará na nos lenga, i no na e nashon ku nos a forma parti di dje.
