1. Introdukshon
Na 1986 Papiamentu a bira materia obligatorio na skol básiko. Un dekada despues, na 1998, Papiamentu a bira materia obligatorio den tur tipo di enseñansa sekundario (vsbo, havo i vwo).
Tin ademas un liña didáktiko ku ta indiká kua abilidat un studiante ku kaba skol mester dominá i kon skirbi ta un di nan (banda di skucha, papia i lesa). Tin ademas material pa duna lès di Papiamentu den tur klas.
Sinembargo, mayoria di nos komunidat no a siña skibi Papiamentu na skol. Tin ademas hopi krítika riba e skibimentu di hóbennan ku sí a hañ’é na skol. Kiko ta pasando?
Den e siguiente artíkulonan nos ta puntra nos mes?
1. Pakiko nos mester siña skibi Papiamentu korektamente?
2. Ta duna lès di ortografia na skol! Esei ta sufisiente?
3. Kon e dominio di ortografia di nos alumnonan ta realmente?
2. Pakiko nos mester siña skibi Papiamentu korektamente?
Skibi i lesa ta konektá ku otro. Bo ta siña lesa a base di e reglanan ku bo lenga tin pa skibi e zonidonan ku bo ta usa pa papia. Kada lenga tin asina su mes ortografia òf sistema di skirbi.
Papiamentu tin un ortografia ofisial ku gobièrnu di Kòrsou i Boneiru a fiha den lei. Reglanan ku ta diferensiá for di esunnan di hulandes, spañó òf ingles. Nos ortografia tin por ehèmpel un regla ku bo ta skibi generalmente loke bo ta tende, p’esei nos ta yam’é un ortografia fonológiko. E mésun zonido di Papiamentu, hulandes, spañó i ingles ta skibi diferente.
zut (Papiamentu) asenso (Papiamentu) dòbel (Papiamentu)
zoet (hulandes) ascenso (Spañó) double (ingles)
Skibi un lenga korekto ke men skibi segun su ortografia ofisial. Si bo ke sa e reglanan di nos ortografia, bo por apliká pa sigui un serie di 8 lès. Aki ta sigui un formulario di inskripshon. Dependiente di inskripshon no ta kuminsá ku un kurso online pa yuda bo konektá e zonidonan di nos lenga ku e manera korekto pa skirbié.
https://dijkhofflearning.com/pap/course-registration/
